The Problem with Politikos

A politiko is good at twisting issues. He maintains his innocence and self-righteousness despite all of his contradictions and evidences pointed at him. All this in the hope of riding out the storm of controversy and coming out clean in the end. He knows that people tend to forget and perhaps forgive easily. A politico never listens and only sets out to do his bidding. He does things out of self-interest masqueraded and sugar-coated as public service. A politiko is different from a public servant and a servant-leader.

Unfortunately for us, we elect politikos, let them hold positions of responsibility and allow them to misguide us. We can't get good things done properly if we allow them to steer us away from our goals and towards what they want. The problem with politikos is that they deliberately try to make us loko-lokos.

Just hitting two issues with one truth.

Munting Bayanihan sa EDSA Guadalupe

Aktuwal na kuha sa pangyayari.

May isang lola na nadapa sa overpass sa may EDSA Guadalupe kaninang ika-5 ng hapon. Nadulas siya at tumama ang ulo sa semento dahil siksikan ang daanan sa pagitan ng hagdanan ng overpass at isang rampa. Kapansin-pansin na nagdurugo ang ulo ni lola at pumapatak ang dugo sa damit niya. Pilit pinapatigil ng dalawa niyang kasama ang pagdurugo.

Naging makulit at nagpatuloy maglakad si lola at binalewala ang kanyang sitwasyon kahit na pinapahinto na siya ng mga tao. Buti na lang at napadaan ang isang nurse na si Jenalyn Abon mula sa isang ospital sa Las Pinas. Pinatigil niya si lola, tinignan ang sugat, at pinatigil ang pagdurugo nito.

Samantala, nagbigay ng yelo ang service crew ng katapat na fastfood para panlapat sa nagdurugong sugat ni Lola. Ibinigay naman ng isang tindera sa bangketa ang kanyang silya upang maupuan ni lola.

Tinawag ko ang isang pulis, si PO2 Elman mula sa malapit. Pagdating niya at pagkaalam sa pangyayari, niradyo niya agad sa mga kasamahan niya na kailangan ng ambulansya.

Matapos ang wala pang limang minuto, may dumating na iba pang mga pulis, isang ambulansyang may lulan na emergency rescue team, at mga konstable ng MMDA na nag-ayos mapaparadahan ng ambulansya. Isinakay si lola sa ambulansya at dinala na ni lola sa pinakamalapit na pagamutan. Mukhang magiging maayos ang lagay ni lola.

Sabi ni PO2 Elman kay Jenalyn, "Maraming salamat po. Mabuti po kayong tao".

Ang Aral ng Kuwento 

Madalas na negatibo ang mga pananaw natin sa mga taong hindi nating kilala. May mga masasamang loob nga na kahalubilo natin, ngunit lubhang mas marami ang mga mabubuti ang kalooban.

Hindi natin napapansin ang mga taong ito tulad ng mga nars na araw-araw ay tumutulong sa pagpapagaling nga mga may sakit, ang mga pulis at mga konstableng pantrapiko na nagpapanaatili ng kaayusan at kapayapaan sa lansangan, at ang lahat ng handang tumulong sa panahon ng pangangailangan.

Ang pangyayari kanina ay nagpapakita ng bayanihan. Ang mga munting gawang mabubuti ay malaki ang naitulong para sa isang taong nangangailangan. Kung walang tumulong siguro ay maaaring malubha na ngayon ang kalagayan ni lola.

Madalas ay hindi natin napapansin ang mga munting kabutihan at kabayanihan. Masyado tayong natatabunan ng mga bad news at nagiging negatibo na rin ang pananaw natin sa lipunan at kapwa natin. Ngunit kahit gaano ito kaliit, di naman matutumbasan ang pagkadakila nito. Ipinapakita ng kuwentong ito na likas na mabubuti ang mga Pilipino na handang magtulungan at tumulong.

Kung tutuklasin natin at maa-appreciate ang kabutihang loob at kabayanihan ng kapwa natin, siguradong magiging mabuti ang pagtingin natin sa ating bansa at kapwa. Kung magbabayanihan tayong lahat, siguradong giginhawa ang bayan natin. 

Nagpapasalamat ako at isinilang at nagkamulat ako sa bayan ng mga bayani.

Maligayang Araw ng Pagmamahalan

Kahit lumipas na ang Pebrero 14 o ang araw ng mga puso, hindi naman nawawala sa panahon ang pagmamahal.

Tuwing Araw ng mga Puso, mahal ang mga bilihin lalo na para sa mga nagmamahalan lalo na ang mga bulaklak. Mula sa 10 piso, maaaring tumalon sa 50 pesos ang isang piraso ng rosas, minimum of x5 ang inflation rate dahil sa taas ng demand. 

Ang isang magandang dulot ng hype ng Araw ng mga Puso ay...
(Basahin ang buong post DITO)

Ang Halalan ay Parang Ligawan

Ang Halalan ay parang ligawan. Ang konsepto ng panliligaw sa isang babae ay maihahalintuad din sa pagtakbo sa halalan ng mga pulitiko. Malapit na ang eleksyon at marami nanamang mga kandidato ang manliligaw sa ating mga botante. 

Ang pagtakbo sa eleksyon ay parang panliligaw... (Basahin ang buong post DITO)

The Eagle's Story

-05/16/2012

I have broken free from my shell.
I have grown my wings.
I just leaped away from my nest.
I am flying now.

I'm flying high seeing the world's majesty.
I fly through the storm with the might that's inside.
My wings are as mighty as I want them to be.
I fly as high as I wanted to be.

I see the light beyond the horizon.
I travel the distance beyond my measure.
I chose to fly above the storm.
I fly with the greatness inside me I show.

Ang Kadiliman Bago Sumikat ang Umaga

(Note: Ito'y isang bagong bersyon ng isang tulang dati kong isinulat na sa palagay ko'y maaari pang mapaganda)

Pagtingala sa malawak na kalangitan
Marikit na mga tala ating mamamasdan
Gumagabay sa manlalakbay sa daan
Nagbibigay pag-asa sa may kahilingan.

Sa tuwing tayo'y titingala sa mga tala
Tayo'y nakakakita mga butil ng pag-asa
Na lahat tayo'y may sariling pagbabasa
Gabay sa dilim bago sumikat ang umaga.

ngunit anong kadahilanan sa aki'y pinagkait
Pag-asang masilayang mga bituwing marikit
Mistulang hadlang ngayon sa akin ang langit
Balot ng kadiliman at lamig na kay pait.

Bakit?! Bakit?! aking tinatanto
Langit! Langit! ba't ako ginaganito?
Sinusubukan mo ba ang tibay ng tao?
O ang dapat lang bang sisihin ay ako?

Ramdam ang kalungkutan sa hatinggabi
ako'y natigilan at napaisip nang maigi
Ibinulong ng langit ako'ng tutulong sa sarili
magpatuloy o mahimbing at maglaho sa gabi

Ako'y tumayo't tumuloy sa paglalakbay
nadapa't nasaktan halos mawalan ng malay
pumasok sa isip mas mabuti pang mamatay.
Hinde! magpatuloy! Mahalagang mabuhay!

Pagtingala sa malawak na kalangitan
matapos magdusa nang halos walang katapusan
Sa aking nakita ako'y nabuhayan
Bagong umaga! Tapos na ang kadiliman.

Pagbabalik

Matagal na rin nang huli akong nakapagblog sa pangunahing blog ko. Mahirap magsulat lalo't laging abala sa trabaho, pagbabasa, at ibang advocacies. New year's resolution ko pa naman ang magtaas ng writing output. Kaya there is no better way to do it than to start blogging.

Muli kong naalala ang dahilan sa pagbuo ng blog na ito, ang ipahayag ang ilang pananaw hinggil sa mga usapin sa bayan. Ngunit ang suliranin ay tayo ay hindi informed, misinformed, o misled dahil sa mga maling balita. Ayaw natin sa mga kasinungalingan, mga propaganda, at mga pagpihit sa katotohanan. Ito'y pawang  ginagawang mangmang ang sambayanan. Sabi ko nga, mawawala ang kalayaan sa pagsasara ng isipan. Kung maniniwala tayo sa mga kasinungalingan, magsasara ang ating mga isip. Dahil dito, maaaring makagawa tayo ng mga maling desisyon at mga kilos na makakasama sa atin at magpapawala sa ating 'ginhawa'. Walang kalayaan kung sarado ang isipan at magdudulot ito ng kawalan ng katarungan. Hindi ito kailangan ng bayan dahil madalas tayong nababalot nito, ang kadilimang kung saang kailangan nating kumawala.

Hindi dapat paniwalaan ang lahat ng mga nakikita at naririnig dahil maaaring ito'y mga pawang panlilinlang o kalahating katotohanan lang. Ang panganib na ito'y dulot ng mga ipinapakita sa atin ng media at ng mga nasa kapangyarihan. Minamanipula ang mga tao. Tayo ay napapasok sa kadiliman dahil nagagapos ang ating mga isipan. Kaya kailangang liwanagin ang mga talakayan. Iwasto ang mali, ihiwalay ang propaganda, at ayusin ang perspektiba. Palayain ang ating mga isipan at magliwanag sa kadiliman.