Ang Tunay na Historian

Kamakailan, naging usapan ang pagiging isang historian. Tila ba basta-basta na lang nagagamit ang titulong historian. Kung nakabasa ka ng history book, historian ka na ba? Kung nag-share ka ng something about history sa Facebook, historian ka na? Ang historian daw ay nagpapalaganap ng "katotohanan" at ang mga tumataliwas sa "katotohanan" ito ay kaaway na bayan.

Sino nga ba ang tunay na historian o historyador? Sa aking pananaw, ito ay ilang mga katangian ng isang historian.

1. Ang tunay na historyador ay may disiplinang akademiko sa pananaliksik, pagsusulat at pagbabahagi ng nalalaman.
2. Ang tunay na historyador ay hindi alam ang lahat tungkol sa kasaysayan at alam niya ito.
3. Ang tunay na historyador ay hindi laging tama at alam niya ito.
4. Ang tunay na historyador ay hindi ipinipilit ang kanyang pananaw sa pamamagitan ng pagtrash-talk sa ibang historyador.
5. Ang tunay na historyador ay marunong irespeto ang opinyon ng kapwa historyador at mga hindi historyador.
6. Ang tunay na historyador ay marunong baguhin ang pananaw batay sa mga bagong batis at pag-aaral.
7. Ang tunay na historyador ay marunong gumamit ng tuldok sa kanyang mga pangungusap.
8. Ang tunay na historyador ay hindi troll sa internet.
9. Ang tunay na historyador ay hindi makitid o sarado ang isip sa opinyon at pagaaral ng iba.
10. Ang tunay na historyador ay hindi pinagpipilitan ang sarili bilang isang historyador. 

Hindi basta-basta nakukuha ang titulong historyador o historian. Bunga ito ng mahabang panahon ng pag-aaral, pananaliksik, pagbabahagi ng kaalaman sa "propesyonal" na pamantayan at pamamaraan.

P.S.: Hindi ako historian.